Tingiuta nigghjàta

Di luttu scjàlata,
niggra e amara jornata,
mi veni all'incuntru
senza dassari pedata;
di li voti mi sperdu
e tranquillu caminu,
atri ti penzu e ti sentu vicinu;
friddha e cuppata
di tingiuta nigghjàta,
di luci sgarrusa
comu di lampu
a la notti chjovusa;
mi ffliggi l'anima
e mi la teni ngghàgghjàta,
tremitu fattu di vita dassata;
trascuratu mumentu
di scjogghjùta catina,
ca era gradutu mi rrìvi
l'appressu matina;
(Carmelo Maesano)